Millatlararo do‘stlik va hamjihatlik rishtalarini mustahkamlashda sportning o‘rni beqiyos.

Ichki ishlar vazirligi akademiyasida “Do‘stlik marafoni” yugurish musobaqasi uyushtirildi. Bellashuvda akademiya yoshlari bilan birga, Xitoy Jamoat xavfsizligi universiteti talabalari hamda yurtimizda ta’lim olayotgan tojikistonlik kursantlar qatnashdi.

Musobaqa akademiya darvozasi oldidan start oldi. Ishtirokchilar ta’lim muassasasi hududi bo‘ylab 2000 metr masofani bosib o‘tdilar.

Qiziqarli kechgan marafon yakunida IIV akademiyasidan Ilhom Pirnazarov, Nurmurod Yorqinov, Sardor Nasrullayev, Iroda Bekmirzayeva, Jamoat xavfsizligi universitetidan Ma Syuan, Sun Yu Syuan, qo‘shni yurt vakillaridan esa Muhibullo Najmiddinov, Muhammaddin Rahmonov va Sherali Yoraliyevlar sovrindorlar safidan joy olishdi.

G‘oliblar medal va diplom bilan taqdirlandi.

IIV akademiyasi Axborot xizmati