Har jihatdan yetuk kadrlarni tayyorlashda tajribali amaliyotchi xodimlar ishtirokida o‘tkazilayotgan muloqotlar muhim ahamiyat kasb etmoqda.

Ichki ishlar vazirligi akademiyasida “Jinoyatchilikka qarshi kurashishda tezkor-qidiruv tadbirlarining o‘rni va ahamiyati” mavzuida davra suhbati tashkil etildi. Unda IIV Jazoni ijro etish departamenti huzuridagi Tezkor-qidiruv boshqarmasi hamda Toshkent shahar IIBBning Axborot texnologiyalari sohasidagi jinoyatlarga qarshi kurashish boshqarmasi vakillari, kunduzgi ta’limning “tezkor-qidiruv faoliyati” ixtisoslik yo‘nalishi kursantlari bilan birga, Tezkor-qidiruv faoliyati kafedrasining bir guruh o‘qituvchilari ishtirok etdi.

Muloqot tarzida o‘tgan tadbirda tezkor-qidiruv tadbirlarini tashkil etish, axborot texnologiyalari yordamida sodir etilayotgan jinoyatlarga qarshi kurashish, jazoni ijro etish muassasalarida o‘tkaziladigan tezkor-qidiruv tadbirlari haqida so‘z bordi. Kursantlar o‘zlari tanlangan ixtisoslik bo‘yicha nazariy bilimlarini, kelgusidagi faoliyatlari uchun zarur bo‘ladigan ko‘nikmalarini yanada mustahkamlab oldilar.

IIV akademiyasi Axborot xizmati