Ҳар жиҳатдан етук кадрларни тайёрлашда тажрибали амалиётчи ходимлар иштирокида ўтказилаётган мулоқотлар муҳим аҳамият касб этмоқда.

Ички ишлар вазирлиги академиясида “Жиноятчиликка қарши курашишда тезкор-қидирув тадбирларининг ўрни ва аҳамияти” мавзуида давра суҳбати ташкил этилди. Унда ИИВ Жазони ижро этиш департаменти ҳузуридаги Тезкор-қидирув бошқармаси ҳамда Тошкент шаҳар ИИББнинг Ахборот технологиялари соҳасидаги жиноятларга қарши курашиш бошқармаси вакиллари, кундузги таълимнинг “тезкор-қидирув фаолияти” ихтисослик йўналиши курсантлари билан бирга, Тезкор-қидирув фаолияти кафедрасининг бир гуруҳ ўқитувчилари иштирок этди.

Мулоқот тарзида ўтган тадбирда тезкор-қидирув тадбирларини ташкил этиш, аxборот технологиялари ёрдамида содир этилаётган жиноятларга қарши курашиш, жазони ижро этиш муассасаларида ўтказиладиган тезкор-қидирув тадбирлари ҳақида сўз борди. Курсантлар ўзлари танланган ихтисослик бўйича назарий билимларини, келгусидаги фаолиятлари учун зарур бўладиган кўникмаларини янада мустаҳкамлаб олдилар.

ИИВ академияси Ахборот хизмати