IIV akademiyasida ma’rifatparvar adib Mahmudxo‘ja Behbudiy tavalludining 150 yilligiga bag‘ishlangan ma’rifiy tadbir bo‘lib o‘tdi.

Tarixchi va adabiyotshunos olimlar so‘z olgan kechada taraqqiyparvar bobomizning hayot yo‘li yodga olindi. Buyuk ajdodimiz millatimizni ilm-ma’rifatli bo‘lishga chorlagani, ibratli amallari bilan jadidchilik harakati rivojiga ulkan hissa qo‘shgani, kelgusi avlodlar uchun boy ilmiy-ma’naviy meros qoldirgani ta’kidlandi.

Behbudiy tavalludini keng nishonlash to‘g‘risida Prezidentimiz qarorining qabul qilingani ma’rifatparvar bobomizning hayotini chuqur o‘rganish va yoshlar o‘rtasida keng targ‘ib etishda muhim ahamiyat kasb etgani qayd etildi.

Tadbirda Behbudiyning millat fidoyisi sifatida amalga oshirgan buyuk xizmatlari, asarlari orqali targ‘ib qilgan ezgu g‘oyalari, millat va yurt taqdiriga oid qarashlari, vatanparvarlik fazilatlari e’tirof etildi. Adib asarlarining bugungi zamondagi ahamiyati aytib o‘tildi. Kursantlar uchun Kinematografiya agentligi tomonidan suratga olingan film namoyish qilindi.

IIV akademiyasi Axborot xizmati