ИИВ академиясида маърифатпарвар адиб Маҳмудхўжа Беҳбудий таваллудининг 150 йиллигига бағишланган маърифий тадбир бўлиб ўтди.

Тарихчи ва адабиётшунос олимлар сўз олган кечада тараққийпарвар бобомизнинг ҳаёт йўли ёдга олинди. Буюк аждодимиз миллатимизни илм-маърифатли бўлишга чорлагани, ибратли амаллари билан жадидчилик ҳаракати ривожига улкан ҳисса қўшгани, келгуси авлодлар учун бой илмий-маънавий мерос қолдиргани таъкидланди.

Беҳбудий таваллудини кенг нишонлаш тўғрисида Президентимиз қарорининг қабул қилингани маърифатпарвар бобомизнинг ҳаётини чуқур ўрганиш ва ёшлар ўртасида кенг тарғиб этишда муҳим аҳамият касб этгани қайд этилди.

Тадбирда Беҳбудийнинг миллат фидойиси сифатида амалга оширган буюк хизматлари, асарлари орқали тарғиб қилган эзгу ғоялари, миллат ва юрт тақдирига оид қарашлари, ватанпарварлик фазилатлари эътироф этилди. Адиб асарларининг бугунги замондаги аҳамияти айтиб ўтилди. Курсантлар учун Кинематография агентлиги томонидан суратга олинган фильм намойиш қилинди.

ИИВ академияси Ахборот хизмати