Xorijiy kadrlar bilan ishlash fakultetida ta’lim olayotgan tojikistonlik kursantlar O‘zbekiston Milliy kutubxonasi bilan tanishdilar.

Markaziy Osiyodagi eng yirik ziyo maskanining tashkil topish tarixi, zamonaviy imkoniyatlari, kutubxona fondida saqlanayotgan nodir qo‘lyozma va adabiyotlar, bu yerda yaratilgan shart-sharoitlar kursantlarda ulkan taassurot qoldirdi.

* * *

“Ma’rifat ulashib” loyihasi doirasida poytaxtimizdagi Adiblar xiyobonida harbiy-vatanparvarlik va sport tadbirlari uyushtirildi.

Akademiya kunduzgi ta’lim kursantlari ishtirokida o‘tkazilgan tadbirda yoshlar armrestling, tosh ko‘tarish va arqon tortish bo‘yicha bellashdilar.

* * *

Poytaxtimizning “Universal” sport saroyida kikboksing bo‘yicha Jahon kubogi bahslari bo‘lib o‘tdi.

Dunyoning 53 ta mamlakati vakillari ishtirok etgan nufuzli musobaqada yurtimiz yoshlari ham sovrindorlar qatoridan joy oldi. Quvonarlisi, termamiz tarkibida IIV akademiyasi kursantlaridan M. Abdurahmonov (75 kg) oltin, M. Davurov (+91 kg) bronza medalini qo‘lga kiritib, umumjamoa hisobidagi natijamizga munosib hissa qo‘shishdi.

IIV akademiyasi Axborot xizmati