Hujjatlarni kriminalistik tadqiq qilishning zamonaviy imkoniyatlariga bag‘ishlangan davra suhbati “ekspert-kriminalistika faoliyati” yo‘nalishida ta’lim olayotgan kursantlar uchun qiziqarli o‘tdi.

Unda Ichki ishlar vazirligi Ekspert-kriminalistika markazi bosh markazi, Toshkent shahar Ichki ishlar bosh boshqarmasi Ekspert-kriminalistika markazi, shuningdek o‘quv dargohining Kriminalistik ekspertizalar kafedrasi o‘qituvchilari ishtirok etdi.

Bevosita muloqot jinoyatlarni fosh etish va tergov qilishda kriminalistik ekspertizalarning dolzarb ahamiyati, hujjatlar bilan bog‘liq texnik-kriminalistik ekspertizalarni o‘tkazish metodlari, sohadagi yutuqlar va muammolarning yechimlari yuzasidan bildirilgan fikrlar bilan davom etdi. Kursantlar kelgusidagi faoliyatlari uchun zarur bo‘lgan tavsiyalarni olishdi.

IIV Akademiyasi Axborot xizmati