Ochiqlik, tezkorlik va xolislik
Рус Ўзб O'z En

Yangiliklar

Sulton Jaloliddin haqida spektakl

25 May 2023, 09:05

765

“Ma’naviyat oyligi” doirasida IIV Akademiyasi kursantlari “Qilich va qismat” spektaklini tomosha qildilar.

Taniqli ijodkor Sirojiddin Rustamovning shu nomli tarixiy asari asosida sahnalashtirilgan spektaklda rollarni O‘zbekiston davlat san’at va madaniyat instituti talabalari ijro etishdi.

Mo‘g‘ullar istilosi davrida Xorazmshohlar saltanatida yuz bergan murakkab voqealar, buyuk vatandoshimiz Jaloliddin Manguberdining yurt ozodligi yo‘lida dushmanga qarshi olib borgan jasoratli kurashi haqida hikoya qiluvchi sahna asari muxlislar tomonidan katta qiziqish bilan kutib olindi.

Mardligi va mislsiz qahramonligi bilan nom qozongan tarixiy siymolarimiz hayoti va faoliyatiga bag‘ishlangan bu kabi sahna asarlari kursant yoshlarning vatanparvarlik tuyg‘ularini mustahkamlashda muhim ahamiyat kasb etishi, shubhasiz.

IIV Akademiyasi Axborot xizmati

 

 

Chop etish
Нажмите на кнопку ниже, чтобы прослушать текст Powered by GSpeech