IIV akademiyasida o‘tkazilgan “Ochiq eshiklar kuni” Qurolli Kuchlarimiz tashkil topganining 33 yilligi hamda Vatan himoyachilari kuniga bag‘ishlandi.

Yoshlarning harbiy-vatanparvarlik ruhini yuksaltirish maqsadida tashkil qilingan tadbirga Mirzo Ulug‘bek tumanidagi 121 hamda 208-son maktablardan bir guruh o‘quvchilar taklif qilindi.

Tadbir davomida ular akademiya hayoti bilan yaqindan tanishdilar. Saf maydonida maxsus avtotransport vositalarining imkoniyat va vazifalari ko‘rgazmali tarzda namoyish etildi. Axborot-resurs markazida ta’lim muassasasi faoliyatiga oid videorolikni tomosha qilib, o‘zlarini qiziqtirgan savollarga javob olishdi.

IIV akademiyasi Axborot xizmati