Yurtimizdagi izchil islohotlar inson qadrini ulug‘lashga qaratilgan. Jamiyatning barcha soha va tarmoqlarini yanada ravnaq toptirish korrupsiya balosiga qarshi murosasiz kurashishni taqozo etadi.

Ichki ishlar vazirligi akademiyasida “Adolat” sotsial-demokratik partiyasi bilan hamkorlikda “Yangi O‘zbekistonni korrupsiyadan xoli mamlakatga aylantirishda birlashaylik!” shiori ostida tadbir o‘tkazildi. Unda Korrupsiyaga qarshi kurashish agentligi, Bosh prokuratura, Toshkent kimyo-texnologiya instituti vakillari, partiya faollari, shuningdek Akademiya professor-o‘qituvchilari va kursantlari ishtirok etdi.

Soha mutaxassislari korrupsiyaga qarshi kurashishga qaratilgan chora-tadbirlar samarasida ushbu faoliyatda erishilayotgan yutuqlar haqida to‘xtalib, jamiyatda huquqiy madaniyatni shakllantirish, korrupsiyaga qarshi xulq-atvorni shakllantirish borasida mulohazalar bildirdilar. Shuningdek, ma’ruzachilarning “Davlat xizmatida xalollik standartini joriy etish”, “Korrupsiyaga qarshi kurashish va oldini olish sohasida davlat siyosatini shakllantirish hamda amalga oshirish chora-tadbirlari”, “Korrupsiyaga qarshi kurashishda prokuratura organlarining roli”, “Korrupsiya – milliy davlat suverenitetiga tahdid” kabi mavzulardagi chiqishlari tinglandi.

Shu kuni korrupsiyaga qarshi huquqiy targ‘ibot tadbirlarida faol qatnashayotgan bir guruh yoshlar partiya siyosiy kengashining tomonidan rag‘batlantirildi.

IIV Akademiyasi Axborot xizmati