Buyuk bobomiz Amir Temurning serqirra faoliyati, mardligi, jasorati o‘sib kelayotgan yosh avlod uchun chinakam namunadir. 

Sohibqiron tavalludining 686 yilligiga bag‘ishlab Ichki ishlar vazirligi akademiyasida o‘tkazilgan ma’naviy-ma’rifiy tadbir buyuk sarkardaning hayoti haqidagi film namoyishi boshlandi.   

So‘zga chiqqanlar Amir Temurning harbiy mahorati, saltanatni boshqarish strategiyasi, ilm-fan, madaniyat va bunyodkorlik homiysi sifatidagi faoliyati haqida batafsil ma’lumot berishdi. Bu borada “Temur tuzuklari” asari bobokalonimiz shaxsiyatini teranroq anglashda muhim tarixiy risola ekanligi ta’kidlandi. 

– Jahon ahli ulug‘ bobomizning bunyodkorlik fazilatlarini ham alohida e’tirof etadi. Tarixiy manbalarga ko‘ra, sohibqiron saltanat tasarrufidagi shaharlarda ulkan me’moriy obidalar barpo qildirgan. Poytaxt Samarqandning ilm-ma’rifat va madaniyat markaziga aylanishiga beqiyos hissa qo‘shgan. Shu bois, Amir Temur va temuriylar davri dunyo olimlarini hamon tadqiqotlar olib borishga undamoqda, – deydi Akademiyaning 2-bosqich kursanti Javohir Bafoyev.

Tadbir kursantlar tomonidan tayyorlangan sahna ko‘rinishi bilan davom etdi.

IIV Akademiyasi Axborot xizmati