Fanlar akademiyasi huzuridagi Oliy attestatsiya komissiyasi (OAK) Rayosatining qarori bilan maxsus imtihonlarni qabul qilish huquqiga ega bo‘lgan tashkilotlar belgilangan.

Shunga ko‘ra, Ichki ishlar vazirligi akademiyasiga davlat va jamiyat qurilishi tizimini takomillashtirish, qonun ustuvorligi, iqtisodiyotni rivojlantirish va liberallashtirish hamda ijtimoiy rivojlanishning ilmiy asoslari va amaliy yo‘nalishlari fanidan maxsus imtihonni o‘tkazish va qabul qilish vakolati berilgan.

Shu munosabat bilan, ijtimoiy-gumanitar fanlar sohalarida dotsent va professor ilmiy unvonlariga talabgorlar 2026-yilning 15-noyabr kuniga qadar quyidagi hujjatlarni elektron hujjat aylanish tizimi yoki https://t.me/+4D-mPdXSH8cxYzE6 telegram kanali orqali taqdim etishlari shart:

1) akademiya boshlig‘i nomiga xat (HMQO xodimlari uchun tegishli tashkilot rahbaridan);

2) akademiya boshlig‘i nomiga ariza (talabgor fuqaro nomidan);

3) ma’lumotnoma-obyektivka;

3) pasport yoki ID-karta nusxasi;

4) ma’lumot to‘g‘risidagi diplom nusxasi;

5) ilmiy daraja diplomi nusxasi (agar mavjud bo‘lsa);

6) ilmiy unvon diplomi nusxasi (agar mavjud bo‘lsa).

Ma’lumot uchun: poytaxt Toshkent shahridan tashqari respublikamizning boshqa hududlarida faoliyat yuritayotgan talabgorlar imtihonlarni onlayn shaklda topshirishi mumkin.

Ilmiy kotib