Губкин номидаги Россия давлат нефть ва газ университетининг Тошкент шаҳридаги филиалида йўл ҳаракати хавфсизлигини таъминлаш масалаларига бағишланган тадбир ўтказилди.

ИИВ Академияси билан ҳамкорликда ташкил қилинган тадбирда университет профессор-ўқитувчилари, тадқиқотчилар ва талаба ёшлар иштирок этди.

Мавзу доирасида сўзга чиққанлар йўлларда ҳаракат хавфсизлигини таъминлаш соҳасининг ташкилий-ҳуқуқий асослари, тизимга жорий қилинаётган замонавий технологиялар, йўл ҳаракати иштирокчилари томонидан йўл қўйилаётган қоидабузарликлар учун белгиланган чора-тадбирлар, транспорт воситасини бошқаришда ҳайдовчиларнинг жавобгарлиги ва масъулиятини ошириш, мазкур соҳада амалиётга татбиқ этилиши кутилаётган янги механизмлар ҳақида тўхталиб, ёшларни қизиқтирган саволларга жавоб беришди.

ИИВ Академияси Ахборот хизмати