Ўз Ру En
×

Тест маркази

1999 йилда янги педагогик технология­ларни ўқув-тарбия жараёнига татбиқ этиш мақсадида ўқув бўлими таркибида таҳлил ва назорат бўлинмаси ташкил қилинди. 2004 йилда ушбу бўлинма тест марказига айлантирилди.

 

Ўтган йиллар мобайнида марказ­га физика-математика фанлари номзоди И.Каримов, О.Бекнозов раҳбарлик қилди. 2014 йилдан марказ алоҳида таркибий ту­зилмага айлантирилди. Мавжуд хоналар кенгайтирилиб, янги компьютерлар билан жиҳозланди. Ҳозирги пайтда марказ бир вақтнинг ўзида юз нафарга яқин курсантдан тест синовларини қабул қилиш имконини берувчи ягона тармоққа уланган. Компью­терлар «TEST», «SERVER», «RAHBAR» дастурлари билан таъминланган.

 

Марказнинг асосий вазифалари:

  • эгаллаб турган лавозимларидан юқори лавозимларга, биринчи ва навбат­даги махсус унвонларга тавсия этилган, аттестациядан ўтаётган, ўтказилган маъ­рифат ва сиёсий ўқиш, хизмат ва жан­говар тайёргарлик бўйича ўқув йили якуни ҳамда малака тоифасини аниқлаб беришда ходимлардан тест синовларини қабул қилиш;
  • тегишли хизматлар ва кафедралар томонидан ишлаб чиқилган, мураккаблик даражаси таълим дастурларига му­вофиқ бўлган тест материаллари асо­сида ички ишлар органлари хизматига: Кундузги таълим, Касбий тайёргарлик факультети, Раҳбар кадрларни тайёр­лаш факультети ҳамда Сиртқи таълим факультетига ўқишга кириш истагини билдирган номзодлар (абитуриентлар)дан тест синовлари қабул қилиш;
  • бўлим, хизмат, кафедра ва цикллар томонидан тайёрланган тест материал­ларини «Ўзбекистон Республикаси ИИВ Академиясида тест материалларини тайёрлаш ва улардан фойдаланиш тар­тиби тўғрисидаги йўриқнома» талабла­ри асосида қабул қилиш;
  • илғор инновацион педагогик ва ах­борот технологияларидан кенг фойда­ланган ҳолда Кундузги таълим, Касбий тайёргарлик факультети, Раҳбар кадрларни тайёрлаш факультети ҳамда Сиртқи таълим факультети курсант ва тингловчиларининг билимини текши­риш ва баҳолаш;
  • умумтаълим ва мутахассислик фанларидан Республика талабалар фан олимпиадасининг умумакадемик босқи­чида тест синовларини ташкил этиш;
  • курсант ва тингловчилар билимла­рининг Ўзбекистон Республикаси Ички ишлар вазирлиги олий таълим муасса­салари учун олий таълимнинг давлат таълим стандартлари талабларига муво­фиқлигини таҳлил қилиш;
  • таълим ва ўқитиш сифатини, тест синови, баҳолар ва рейтинг балларининг холис, ишончли ва адолатлилигини таъ­минлаш ҳамда назорат қилиш;
  • ўқишга янги қабул қилинган курсант ва тингловчилар орасида шахснинг инди­видуал психологик хислатларини ўрга­ниш бўйича тест синовлари ўтказиш;
  • тингловчи ва курсантларнинг мута­хассислик йўналишилари бўйича қоби­лиятини аниқлаш мақсадида психологик тест синовлари ўтказиш;
  • ўтказилган тест синовларининг мо­ниторингини амалга ошириш ва тегишли тавсиялар ишлаб чиқишдан иборат бўлади.
Белгиланган матнни тинглаш учун қуйидаги тугмани босинг Powered by GSpeech