Ёшлар куни муносабати билан ИИВ академияси 2-ўқув курси курсантлари “Заковат”да беллашди.
Ёшларнинг мантиқий тафаккурини ривожлантириш, билим даражаси ва инлеллектуал салоҳиятини ошириш мақсадида ташкил этилган баҳсда 36 та жамоа иштирок этди.
Интеллектуал ўйин икки босқичда ўтказилиб, ҳар бир босқичда жамоаларга 12 тадан савол йўлланди.
Қизғин ва муросасиз кечган беллашув якунига кўра, “Турон” жамоаси биринчи, “Diamond” жамоаси иккинчи, “Espero” жамоаси эса учинчи ўринни қўлга киритди.
Ғолиб ва совриндорлар муносиб тақдирланди.
ИИВ академияси Ахборот хизмати
