Ички ишлар вазирлиги академиясида “Ватан – муқаддас, уни ҳимоя қилиш ҳар бир йигит-қизнинг бурчидир!” мавзуида маърифий тадбир бўлиб ўтди.    

Тадбирда Ёзувчилар уюшмаси аъзоси, шоира Абадан Турдимуратова, бир гуруҳ профессор-ўқитувчилар ва курсантлар иштирок этди.

Она Ватанни севиш, унинг ҳар қаричини ардоқлаш, юртга дахлдорлик ҳисси билаш яшаш ҳар бир инсоннинг маънавий қиёфасини намоён этиши, униб-ўсиб келаётган ёш авлод вакилларини юксак ватанпарварлик руҳида камол топтириш устувор вазифалардан бири эканлиги таъкидланди.

Маърифий кечада иқтидорли курсантлар Ватанни мадҳ этувчи шеърий чиқишлари билан барчага кўтаринки кайфият улашдилар. Бадиий ҳаваскорлик жамоаларининг ҳайбий-ватанпарварлик қўшиқлари тадбирга янада файз бағишлади.

ИИВ академияси Ахборот хизмати