ИИВ Ташкилий департаменти вакиллари томонидан ўтказилган маърузада жиноятларни тергов қилиш методикаси таҳлил қилинди. Курсантлар қурол, ўқ-дори, портловчи моддалар ва портлатиш қурилмаларига қонунга хилоф равишда эгалик қилиш жиноятини тергов қилиш хусусиятлари бўйича билимларини мустаҳкамладилар.
***
Тошкент шаҳар ИИББ ЙҲХБнинг Йўл-транспорт ходисалари билан боғлиқ ишларни юритиш бўлимида сайёр машғулотлар ташкил этилди.
Курсантларнинг касбий кўникмаларини бойитиш мақсадида малакали мутахассислар йўл-транспорт ҳодисаларини махсус карточка ва шаклларда ҳисобга олиш, махсус карточкаларни юритиш тартиби, йўл-транспорт ҳодисалари тўғрисида маълумотларни юритиш, қоидабузарликлар ҳақидаги маълумотларни қайд қилиш тартибини амалий тарзда бажариб кўрсатдилар. Машғулот давомида зарур амалий кўникмалар ҳосил қилинди.
***
Академия кундузги таълим бакалавриатининг “ҳуқуқбузарликлар профилактикаси фаолияти” ихтисослиги бўйича ўтказилаётган базавий амалиёт машғулотлари таълим сифатини оширишга хизмат қилмоқда.
Академиядаги намунавий ҳуқуқ-тартибот масканида ташкил этилган галдаги машғулотларда 1-босқич курсантлари иштирок этиб, бунда назария ва амалиёт уйғунлигини таъминлаш, соҳанинг илғор тажрибаларини таълим жараёнига татбиқ этишга алоҳида эътибор қаратилди.
ИИВ Академияси Ахборот хизмати
