Ўзбек тили байрами муносабати билан Ички ишлар вазирлиги академиясида интеллектуал ўйин ташкил этилди.
Ёшларнинг она тилимизга бўлган ҳурматини кучайтириш, билим ва интеллектуал салоҳиятини ошириш, маънавий тарғибот ишларини самарали ташкил этиш мақсадида ўтказилган тадбирда курсантлар фаол қатнашди.
Интеллектуал ўйинда жамоаларга 30 та савол йўлланди. Шу орқали курсантларнинг сўз бойлиги, она тилимизнинг грамматик ва имло қоидаларини нечоқлик билиши, нутқ маданияти, ҳозиржавоблиги ва зукколиги синовдан ўтказилди.
Қизирқарли ўтган беллашув якунида 3-ўқув курси курсантлари биринчи, 2-ўқув курси курсантлари иккинчи, 1-ўқув курси курсантлари учинчи ўринни эгалладилар. Тадбир она тилимизнинг нуфузи ва мавқеини янада юксалтириш, ёшларни бой маданий меросимизга ҳурмат руҳида камол топтиришга хизмат қилди.
ИИВ академияси Ахборот хизмати
