ИИВ академиясида пойтахтимизнинг 209-сон умумтаълим мактаби ўқувчилари учун “Очиқ эшиклар куни” ташкил қилинди.
Тадбир давомида ёшлар ўқув бинолари, амалий машғулот жойлари, спорт заллари, саф майдони ва бошқа мажмуаларни томоша қилдилар. Махсус техник воситалар ва жанговар қуроллар кўргазмаси билан танишдилар.
Маънавият ва маърифат масканида академия фаолиятига оид видеоролик намойиш қилинди. Тадбир ташкилотчилари ёшларни қизиқтирган саволларга жавоб беришди.
Шу куни ўқувчиларнинг ҳуқуқий билимини мустаҳкамлаш мақсадида “Конституция билимдони” викторинаси ўтказилиб, фаол ва билимдон ўқувчилар эсдалик совғалар билан тақдирланди.
ИИВ академияси Ахборот хизмати
