ИИВ Академиясининг Ижтимоий-гуманитар фанлар кафедраси томонидан ўтказилган давра суҳбати “Ички ишлар органлари ходимлари томонидан ОИТС/ОИВ профилактикасини ташкил этиш” мавзуига бағишланди.

Тадбирда ОИТС/ОИВ ва таносил касалликларининг юқиш йўллари, клиник кўринишлари ва даволаш усуллари, фуқаролар саломатлигини муҳофаза қилишда ички ишлар органлари ходимлари фаолиятининг ўрни, бу борада профилактик чора-тадбирларни амалга ошириш, вирусли инфекциялар билан касалланишнинг олдини олишга қаратилган миллий қонунчилик нормаларининг ижросини таъминалаш, аҳоли орасида ҳуқуқий ва тиббий маданиятни юксалтириш масалалари юзасидан фикр алмашилди.

Давра суҳбатида курсантлар ўзларини қизиқтирган саволларга мутахассислардан жавоб олишди.     

***

Пойтахтимизда “Бор меҳримиз сенга, болажон!” шиори остида донорлик акцияси ўтказилди.

Республика ихтисослаштирилган гематология илмий-амалий тиббиёт маркази ва унинг ҳудудий бўлимлари томонидан ташкил этилган тадбирда ИИВ Академияси курсантлари ҳам кўнгилли равишда иштирок этдилар. Донорлардан олинган қон препаратлари онкогематология ва даволаш қийин бўлган касалликка чалинган беморнинг саломатлигини муҳофаза қилишга йўналтирилади.

***

ИИВ Академиясининг “тергов фаолияти” мутахассислиги бўйича таълим олаётган курсантлари Жиноят ишлари бўйича Чилонзор тумани судида ўтказилган суд мажлиси ҳамда “Коррупция – тараққиёт душмани” мавзусидаги давра суҳбатида иштирок этишди.

Тадбирда коррупция давлат ва жамият тараққиётига жиддий зарар етказувчи иллат бўлиб, унга қарши курашиш юртимизда истиқомат қилаётган ҳар бир фуқаронинг конституциявий бурчи эканлиги таъкидланди. Суд-ҳуқуқ соҳаси мутахассислари томонидан коррупцияга қарши сиёсати доирасида амалга оширилаётган кенг қамровли чора-тадбирлар, хусусан, жамиятда ҳуқуқий маданиятни юксалтириш, коррупцияга оид ҳуқуқбузарликларни аниқлаш ва уларга чек қўйишда ҳуқуқ-тартибот органлари фаолиятининг ўрни борасида зарур тавсиялар берилди. 

ИИВ Академияси Ахборот хизмати