Тошкент транспорт техникумида ёшлар томонидан содир этилаётган кибержиноятларга бағишланган профилактик тадбир ўтказилди.

Тадбирда ахборот технологиялари фойдаланиб содир қилинаётган ҳуқуқбузарликлар, уларнинг олдини олиш хусусида сўз борди.

ИИВ академияси магистратураси тингловчиси, подполковник Б. Шодиев ёшлар томонидан содир этилаётган кибержиноятларга тўхталиб, бунинг асл омилларини таҳлил қилди. Аксарият ёшлар хатти-ҳаракатининг ижтимоий-ҳуқуқий оқибатларини ўйламасдан ҳуқуқбузарликка қўл ураётгани, оқибатда ёшлар томонидан ушбу турдаги жиноятларни содир этиш ҳолатлари кўпайиб бораётгани таъкидланди.

Учрашувда интернет орқали жамиятимизга кириб келаётган иллатлар, кибержиноятларнинг замонавий кўринишлари, содир этиш усуллари, уларга қарши курашиш борасида кўрилаётган чора-тадбирлар, қонунчиликда белгиланган жавобгарлик масалалари  тушунтириб ўтилди. Ўқувчиларга зарур тавсиялар берилди.

ИИВ академияси Ахборот хизмати