ИИВ академиясида “Ички ишлар органларининг ахборот-таҳлил фаолияти: бугунги ҳолати ва истиқболлари” мавзуида илмий-амалий конференция бўлиб ўтди.

Унда манфаатдор идоралар, олий таълим ва илмий-тадқиқот муассасалари, шунингдек Президент ҳузуридаги Давлат бошқаруви академияси, Стратегик таҳлил ва истиқболни белгилаш олий мактаби, Криминология тадқиқот институти ва бошқа ташкилотлар вакиллари иштирок этди.

Сўзга чиққанлар ички ишлар органларида ахборот-таҳлил фаолиятини такомиллаштириш, тизимга замонавий ёндашувларни самарали татбиқ этиш, соҳа учун юқори малакали кадрлар тайёрлаш, амалиёт ходимларининг касбий компетенцияларини ривожлантириш масалаларига тўхталиб, ахборот-таҳлил ишини янада яхшилашга қаратилган таклиф ва тавсияларини билдирдилар.

Фаолиятни таҳлил қилиш, мавжуд муаммоларнинг илмий-амалий ечимларини ишлаб чиқиш, таълим ва амалиёт узвийлигини мустаҳкамлаш мақсадида ўтказилган конференция барча иштирокчилар, айниқса “ташкилий-штаб фаолияти” йўналиши курсантлари учун долзарб аҳамият касб этди.

ИИВ академияси Ахборот хизмати