Жорий йилнинг 15 сентябридан ИИВ Академияси Олий таълимдан кейинги таълим факультетининг таянч докторантура ва мустақил изланувчилик йўналишларига ҳужжатлар қабул қилинади. 

Талабгорлар қуйидагиларни тақдим этишлари керак:

1) ариза ёки билдирги (бевосита ва юқори турувчи раҳбар розилик билдирган ва унинг имзоси билан тасдиқлаган ҳолда);

2) Академия бошлиғи номига ёзилган йўлланма хат (юқори турувчи раҳбар ёки унинг ўринбосарлари томонидан имзоланиб, талабгорнинг барча ҳужжатлари илова қилинган ҳолда);

3) 2 дона 4х6 шаклдаги расм ва паспорт нусхаси;

4) қисқача биографик маълумотнома (таржимаи ҳол);

5) олий маълумот тўғрисидаги дипломнинг нусхаси;

6) иш жойидан хизмат тавсифномаси (имзоланган ва маълумот учун муҳри билан тасдиқланган ҳолда);

7) илмий ишлар рўйхати (имзоланган ва маълумот учун муҳри билан тасдқиланган ҳолда) ва уларнинг нусхалари;

8) илмий раҳбардан розилик хати.

Ҳужжатлар https://phd.mininnovation.uz/ электрон манзили орқали 15 октябрга қадар қабул қилинади.

ИИВ Академиясининг Олий таълимдан

кейинги таълим факультети