Ички ишлар вазирлиги академиясида “Заковат” интеллектуал ўйини ўтказилди.

“Заковат” интеллектуал клуби ва Ўзбекистон Ёшлар иттифоқи бошланғич ташкилоти ҳамкорлигида ташкил қилинган беллашувда профессор-ўқитувчилар ва ходимлардан таркиб топган 29 жамоа қатнашди.

Билимлар баҳсида қизиқарли ва мантиқий фикрлашга ундайдиган 20 та савол ўйналди. Якунда энг топқир жамоалар совриндор бўлди. Шунга кўра, 1-ўрин Ички ишлар органлари фаолиятини услубий таъминлаш маркази жамоасига, 2-ўрин Тезкор-қидирув фаолияти кафедраси жамоасига, 3-ўрин эса оркестр жамоасига насиб қилди.

Тадбир якунида ғолиблар қимматбаҳо совға билан тақдирланди.

ИИВ академияси Ахборот хизмати