Пойтахтимиз 19-22 декабрь кунлари Ички ишлар вазирлиги ташаббуси билан ўтказилган “Ўзбекистон ёшлар форуми – 2021” ҳафталигига мезбонлик қилди.
Тадбир ёшларга оид давлат сиёсини изчил давом эттириш, мамлакатимизнинг стратегик тараққиётида уларнинг фаол иштирокини таъминлаш, замонавий билим ва кўникмаларга эга, ватанпарварвар, серғайрат ёшларни ҳар томонлама қўллаб-қувватлаш, ходимлар ўртасида ахборот технологиялари, жисмоний тарбия ва спорт, маданият ҳамда санъатни кенг тарғиб қилиш мақсадида ташкил қилинди.
Форум доирасида ички ишлар органлари ёшларининг учрашуви, семинар-тренинг машғулотлари, “Заковат” интеллектуал ўйини, жанговар-жисмоний ва спорт беллашувлари, “Уч авлод учрашуви” маънавий-маърифий тадбири, “Мен донорман” хайрия акцияси, “Ёшлик гулхани” концерт дастури, шунингдек бошқа тадбирлар ўтказилди.
Эътиборли жиҳати, “Ўзбекистон ёшлар форуми – 2021”да Ички ишлар вазирлиги академияси ходим ва курсантлари ҳам муносиб иштирок этишди. Вакилларимиз минифутбол турнирида фахрли биринчи, Cyber sport мусобақасида жамоавий иккинчи ўринни қўлга киритдилар. Шунингдек енгил атлетика беллашувида лейтенант Ҳожиакбар Абдухалилов, жанговар қуролни қисмларга ажратиб-йиғиш баҳсида катта лейтенант Мухторжон Етмишбоев фахрли учинчи ўринга сазовор бўлди.
Форумнинг сўнгги кунида ўтказилган мусобақаларда совринли ўринларни қўлга киритган ёшлар ва энг фаол иштирокчилар тантанали равишда тақдирланди.
ИИВ Академияси Ахборот хизмати
