ИИВ Академиясининг Давлат-ҳуқуқий фанлар ва инсон ҳуқуқларини таъминлаш кафедраси ташаббуси билан “Зўравонликка қарши биргаликда курашамиз!” шиори остида викторина ташкил этилди.

БМТнинг “Гендер зўравонликка қарши 16 кунлик фаол ҳаракатлар” дастури доирасида ўтказилган викторинада курсант қизлардан иборат иккита жамоа қатнашди.

Иштирокчилар “Танишув”, “Савол-жавоб” ҳамда “Биз – зўравонликка қаршимиз!” мавзуидаги саҳна кўриниши орқали интеллектуал ва ижодий қобилиятларини намоён этдилар. Ҳакамлар ҳайъатининг қарорига биноан, 3-босқич курсантлари викторина ғолиби деб топилган бўлса, 2-босқич вакиллари энг креатив жамоа сифатида эътироф этилди.

Тадбир якунида Олий Мажлис Қонунчилик палатаси депутати Дилбар Усмонова, Академия бошлиғининг биринчи ўринбосари Музаффар Зиёдуллаев сўз олиб, долзарб мавзудаги викторина орқали курсантлар хотин-қизларнинг ҳуқуқ ва манфаатларини ҳимоя қилиш жамиятимизнинг устувор вазифаларидан бири эканлигини намойиш этиб берганликларини таъкидлаб ўтишди.

Беллашув қатнашчилари диплом ва китоблар билан тақдирланди.

ИИВ Академияси Ахборот хизмати