Хизмат вақтида ҳалок бўлган, эл-юрт тинчлиги йўлида қаҳрамонлик кўрсатган ички ишлар органи ходимларининг жасорати ёш авлод учун ибратдир.

ИИВ Академиясида марҳум ходимларнинг оила аъзолари ва кундузги таълим курсантлари ўртасида ўтказилган учрашув ана шу мақсадда ташкил қилинди.

Вазирлик Шахсий хавфсизлик бош бошқармасининг таълим муассасалари бўйича бўлими бошлиғи, подполковник Ўткирбек Қосимов сўз олиб, курсантларда касбга эътиқод ва садоқат туйғуларини мустаҳкамлаш, она Ватан учун хизмат қилиш шарафли бурч эканини англатиш, мардлик кўрсатиб ҳалок бўлган замондошларимизнинг ибратли ҳаётини кенг тарғиб этиш тадбирнинг асосий мақсади эканлигини таъкидлади.

Шундан сўнг “Мард ўғлонлар номи барҳаёт” фильми намойиш қилинди. Хизмат бурчини бажариш чоғида ҳалок бўлганлар хотирасига бағишлаб тайёрланган фильм йиғилганлар, айниқса марҳум оталарининг шарафли йўлини давом эттираётган Академия курсантлари қалбида матонат, мардлик, бурчга садоқат сингари туйғуларни уйғотди.

ИИВ Академияси Ахборот хизмати