Аввал хабар қилинганидек, 19–23 октябрь кунлари ИИВ Академиясида бошлиқ кубоги учун минифутбол турнири бўлиб ўтди.

Беш кун давом этган мусобақада таркибий тузилмалар ходимлари ва магистратура тингловчиларидан таркиб топган ўнта жамоа совринли ўринлар учун тўп тепди.  

Муросасиз курашларга бой ўтган турнир кучлиларни саралаб берди. Шунга кўра, Молия ва моддий-техника таъминоти бошқармаси жамоаси учинчи ўринни, Тергов-криминалистика фаолияти факультети жамоаси иккинчи ўринни, Ўқув-услубий бошқарма ва ноихтисослик кафедралари жамоаси эса фахрли биринчи ўрин ва кубокни қўлга киритди.

Шунингдек, мусобақа давомида сермаҳсул ўйин кўрсатган ходимлар “Энг яхши дарбозабон”, “Энг яхши ҳимоячи”, “Энг яхши ҳужумчи”, “Энг яхши ўйинчи” номинацияларига сазовор бўлди.  

ИИВ Академияси Ахборот хизмати