Ички ишлар вазирлиги академиясининг магистратура тингловчилари биринчи ўқув модули якуни бўйича малакавий ва илмий амалиётга жалб қилинди.

Амалий машғулотлар Ички ишлар вазирлиги, Тошкент шаҳри ва Тошкент вилояти Ички ишлар бош бошқармаси, турдош олий таълим масканлари ҳамда бошқа муассасаларда ташкил этилмоқда.

Магистратура бошлиғи, полковник Баҳром Саидовнинг таъкилашича, малакавий-илмий амалиёт тингловчиларнинг ўқув модули давомида эгаллаган назарий билимларини мустаҳкамлаш, раҳбарликка оид замонавий кўникмаларини шакллантиришга хизмат қилади.

Айтиш жоизки, дастлабки ўқув модулида “ташкилий-стратегик бошқарув” мутахассислиги тингловчилари “Ички ишлар органларининг кадрлар билан ишлаш фаолиятини бошқариш”, “ташкилий-тактик бошқарув” мутахассислиги тингловчилари эса “Ички ишлар органларининг жамоат хавфсизлигини таъминлаш фаолиятини ташкил этиш” бўйича таълим олишди. Илмий ва малакавий амалиёт якунида тингловчилардан синов қабул қилинади.

ИИВ Академияси Ахборот хизмати