ИИВ академиясида “Хавфсизлик ва барқарорлик – тараққиёт кафолати” мавзуида тадбир бўлиб ўтди.

Ўзбекистон Республикаси Қуролли Кучларининг ўттиз уч йиллиги муносабати билан ташкил қилинган тадбирда Олий Мажлис Қонунчилик палатаси, Ёзувчилар уюшмаси ҳамда Ўзбекистон Либерал-демократик партияси вакиллари, академия профессор-ўқитувчилари ва курсантлари иштирок этди.

Учрашувда сўзга чиққанлар жаҳонда юз бераётган глобал ўзгаришлар, мамлакатимизда хавфсизлик ва барқарорликни таъминлаш масалалари, Қуролли Кучлар ва ҳуқуқни муҳофаза қилувчи органлар тизимида амалга оширилаётган ислоҳотлар, қонун устуворлигини таъминлаш, аҳолининг ҳуқуқий маданияти ва жамият ҳаётига дахлдорлигини юксалтириш омиллари, бу борада илм-маърифатли ёшларимиз зиммасидаги вазифалар ҳақида атрофлича сўз юритишди.

Меҳмонларнинг мулоҳаза ва тавсиялари ёшларга мотивация бериш баробарида, уларнинг она Ватанимиз олдидаги бурч ва масъулиятини янада оширишга хизмат қилди.

ИИВ академияси Ахборот хизмати