Ички ишлар вазирлиги тасарруфидаги 2-сон академик лицейда Тошкент вилояти ёшлари иштирокида тадбир ўтказилди.

Учрашув аввалида юртимиз ёшларининг таълим олиши, замонавий касбларни эгаллаши, ўз салоҳиятини рўёбга чиқариши учун яратилган улкан имкониятлар эътироф этилди.

Шундан сўнг ИИВ академияси Кадрлар бўлими вакиллари сўз олиб, ички ишлар органлари учун кадрларни мақсадли тайёрлаш борасида амалга оширилаётган чора-тадбирларга тўхталиб ўтишди.

Жонли мулоқот тарзида ўтган тадбирда академияга ўқишга кириш тартиби ва босқичлари, махсус касбий танлов ва имтиҳонлар хусусияти, номзодлар учун шароитлар ҳақида батафсил маълумот берилди. Шу билан бирга, академия фаолиятига оид видеоролик намойиш қилиниб, ўқувчиларни қизиқтирган саволларга жавоб берилди.

ИИВ академияси Ахборот хизмати