Ички ишлар вазирлиги академиясида Алишер Навоий таваллудига бағишланган маърифий тадбир бўлиб ўтди.

Ёзувчилар уюшмаси аъзолари, профессор-ўқитувчилар, курсант ёшлар иштирок этган тадбирда шоирнинг инсонни улуғлаш, яхшилик, одоб-ахлоқ ва ватанпарварликни тарғиб этган бой адабий мероси эътироф этилди.

– Буюк бобомиз асарлари кишини оҳанрабодек ўзига тортади. Негаки, бу боқий мерос замирида умумбашарий ғоялар мужассам. Навоий ижодининг ёшлар маънавий-ахлоқий камолотида ҳам беқиёс ўрни бор. Бугунги тадбир ёш авлодни миллатимиз маънавий хазинасидан кўпроқ баҳраманд этиш, улар қалбида инсоний фазилатларни юксалтиришда муҳим аҳамият касб этади, – деди Маъмурий-ташкилий фаолият факультети бошлиғи Сирожжон Бердиқулов.

Тадбир давомида курсантлар томонидан саҳна асарлари, мумтоз куй ва қўшиқлар ижро этилди.

ИИВ академияси Ахборот хизмати