ИИВ академиясининг Хорижий кадрлар билан ишлаш факультети томонидан шу мавзуга бағишланган интеллектуал беллашув ўтказилди.

Ёшларнинг касбий билимини мустаҳкамлаш, ҳуқуқий маданияти ва масъулиятини ошириш мақсадида ташкил қилинган тадбирда кундузги таълимнинг 2-босқич курсантлари қатнашди.

Беллашув мунозараларга бой ўтди. Иштирокчилар “Жамоавий ўйин”, “Казусларни ечинг”, “Командирлар беллашуви” шартлари орқали маъмурий ҳуқуққа оид билим ва кўникмаларини намойиш этдилар.

Малакали профессор-ўқитувчилардан иборат ҳакамларнинг қарори билан якунда Хорижий кадрлар билан ишлаш факультети курсантлари ғолибликни қўлга киритди.

ИИВ академияси Ахборот хизмати