Хотин-қизлар байрами арафасида Ички ишлар вазирлиги академиясида таълим олаётган курсант қизлар учун тадбир уюштирилди.

Тадбирда инсон қадри улуғланган юртимизда ёш авлод вакиллари учун яратилган кенг имкониятлар, айниқса қизларни таълимга йўналтириш, уларнинг орзу-ҳавасларини рўёбга чиқариш мақсадида амалга оширилаётган эзгу ишлар эътироф этилди.

Академия раҳбари курсантларни байрам муносабати билан муборакбод этиб, ўқув даргоҳида уларнинг замонавий талаблар даражасида билим олиши учун барча шарт-шароитлар яратилганини алоҳида таъкидлади.

– Буюк донишмандларнинг “битта қиз болани ўқитсангиз, бутун оилани ўқитган бўласиз”, деган пурмаъно ҳикмати бор. Биз униб-ўсиб келаётган курсантларимизни ўз касбига садоқатли, ватанпарварвар инсон этиб тарбияласак, уларни ҳаётга, оилага муносиб тайёрласак, ўйлайманки, жамиятимиз эртаси учун катта пойдевор қўйган бўламиз, – деди академия бошлиғи.

Байрамона тадбирда ўқишдаги ютуқлари билан тенгдошларига намуна бўлаётган курсантлар тантанали руҳда тақдирланди.

ИИВ академияси Ахборот хизмати