Криминалистик экспертизаларнинг имкониятлари йилдан-йилга кенгаймоқда. Соҳада қўлланилаётган замонавий технологиялар жиноятларнинг “иссиқ изи”дан фош этиш имконини бериши табиий.

ИИВ Эксперт-криминалистика бош маркази билан ҳамкорликда ташкил этилган кўргазма Академия курсантларининг амалий кўникмаларини мустаҳкамлашга хизмат қилди. Кўргазмада криминалистик экспертиза ва тадқиқотлар ўтказиш жараёнида фойдаланадиган техник воситалар, асбоб ва ускуналар намойиш этилди.

Малакали мутахассислар томонидан қалбаки ҳужжатлар, қўлбола ўқ-дори ва қурол-яроғлар, портловчи қурилмалар, пиротехника воситалари ҳамда гиёҳвандлик моддаларини экспертизадан ўтказиш усуллари, замонавий технологияларнинг имкониятлари тушунтириб берилди.

ИИВ Академияси Ахборот хизмати