“Китобхонлик ҳафталиги” доирасида ҳарбий ва ҳарбийлаштирилган олий таълим муассасалари ўртасида ўтказилган кўрик-танлов энг яхши китобхонларни аниқлаб берди.

Беллашувда Қуролли Кучлар академиясининг “Ўзбегим”, ИИВ Академиясининг “Ёш юристлар”, Божхона иснтитутининг “Ёш божхоначилар” ҳамда ФВВ Академиясининг “Муҳофаза” жамоаси қатнашди.

Кўрик-танлов иштирокчилари “Адабиёт билимдони”, “Мен севган адиб” ва “Шеърият” шартлари бўйича китобхонлик салоҳиятларини намоён этишди. Баҳс-мунозаралар руҳида ўтган беллашувда мезбон жамоа вакиллари биринчи, “Ёш юристлар” жамоаси иккинчи, “Ўзбегим” ва “Ёш божхоначилар” жамоалари учинчи ўринни эгаллади.

Тақдирлаш маросимида сўз олганлар муҳтарам Президентимизнинг беш муҳим ташаббуси асосида ўтказилаётган танловлар курсантларнинг интеллектуал билим салоҳиятини юксалтиришга хизмат қилаётганини эътироф этиб ўтишди. Тадбир ҳаваскор ёшлар томонидан ижро этилган қўшиқлар билан якунланди.

ИИВ Академияси Ахборот хизмати