5–7 апрель кунлари Урганч шаҳридаги “Ёшлик” спорт мажмуасида енгил атлетика бўйича “Ички ишлар вазири кубоги” мусобақаси бўлиб ўтди.

Унда Ички ишлар вазирлиги таркибий тузилмалари ва ҳудудий органларидан 20 га яқин жамоа қатнашди. Мусобақа иштирокчилари югуриш, узунликка сакраш, эстафета бўйича шахсий биринчилик ва жамоавий тарзда беллашдилар.

ИИВ Академияси терма жамоаси таркибида 2-ўқув курси курсанти А. Салаев 3000 метр масофага югуриш бўйича биринчи ўринни эгаллади. Шунингдек вакилларимиз 4 нафар иштирокчидан иборат швед эстафетаси баҳсларида ҳам ғолиблик нашидасини сурдилар.

Умумжамоа ҳисобида биринчи ўрин ИИВ Қоровул қўшинлари қўмондонлигига, иккинчи ўрин ИИВ Академиясига, учинчи ўрин эса ИИВ Халқаро аэропортларда хавфсизликни таъминлаш бўйича қўшинлари қўмондонлигига насиб қилди.

 Ғолиб ва совриндонлар кубок, медал, диплом, шунингдек ташкилотчиларнинг қимматбаҳо совғалари билан тантанали равишда тақдирланди.

ИИВ Академияси Ахборот хизмати