ИИВ Академиясида эксперт-криминалистика соҳасининг замонавий имкониятларига бағишланган мастер-класс машғулоти ўтказилди.

Криминалистик экспертизалар ва Тергов фаолияти кафедралари ҳамкорлигида ташкил этилган тадбирда вазирлик Эксперт-криминалистика бош маркази вакиллари, ихтисослик кафедралари профессор-ўқитувчилари ва курсантлар иштирок этди.

Машғулот давомида эксперт-криминалистика соҳасида қўлланилаётган замонавий қурилмалар, уларнинг имкониятлари, оммавий тартибузарликларнинг олдини олишда махсус техника ва воситалардан фойдаланиш видеоролик тарзида кўрсатиб берилди.

ИИВ Эксперт-криминалистика бош маркази бошлиғи, полковник Саидолим Нуриддинов бошчилигидаги тажрибали амалиёт ходимлари томонидан курсантларга зарур тавсиялар берилди.

ИИВ Академияси Ахборот хизмати