Ўзбекистон мусулмонлари идорасида Ички ишлар вазирлиги академияси магистрлари учун учрашув ташкил қилинди.

Тадбирда мамлакатимизда диний-маърифий соҳада амалга оширилаётган ислоҳотлар ҳақида сўз борди. Мусулмонлар идораси раиси, муфтий Шайх Нуриддин Холиқназар бугунги глобал даврда диний бағрикенглик ва миллатлараро тотувликнинг долзарб аҳамияти, юртимиздаги турли динлар тарихи ва ривожланиши, динлараро муносабатларнинг моҳияти, жамиятда соғлом дунёқараш ва тафаккурни шакллантириш масалалари юзасидан фикр-мулоҳазалар билдирди.

Шу куни тингловчиларга пойтахтимизда муҳтарам Президентимиз ташаббуси билан барпо этилаётган Ўзбекистон ислом цивилизацияси маркази, унинг фаолияти ҳақида маълумот берилди.

ИИВ академияси Ахборот хизмати