ИИВ академияси курсантлари “Маърифат улашиб” лойиҳаси доирасида пойтахтимиздаги Адиблар хиёбонида йиғилдилар.

Галдаги адабий-маърифий тадбир халқимизнинг икки суюкли фарзанди, атоқли ижодкорлар Саид Аҳмад ва Саида Зуннунова ҳайкаллари пойида ташкил қилинди. Профессор-ўқитувчилар ва курсантлар сўз олган кечада юксак истеъдод соҳибларининг мураккаб ҳаёти, ижод фаолияти, асарларининг тарбиявий аҳамияти эътироф этилди.

* * *

Нукус шаҳрида БМТнинг Қийноқларга қарши конвенцияси қабул қилингани муносабати билан “Қийноққа солишга қарши курашиш: халқаро амалиёт ва миллий тажриба” мавзусида семинар бошланди.

Инсон ҳуқуқлари бўйича Ўзбекистон Республикаси Миллий маркази томонидан ташкил этилган тадбирда ИИВ академиясининг тажрибали профессор-ўқитувчилари ҳам ўз маърузалари билан иштирок этишмоқда.

Икки кунлик семинар давомида прокуратура ва ички ишлар тизими ходимлари учун долзарб мавзуларга бағишланган машғулотлар ўтказилади. Якунда тингловчиларга сертификат топширилади.

* * *

Россия Федерацияси Федерал жазони ижро этиш хизматининг Ҳуқуқ ва бошқарув академияси билан ҳамкорликда онлайн машғулот ўтказилди.

Машғулотда кундузги таълимнинг “жазони ижро этиш фаолияти” йўналиши курсантлари ҳамда ихтисослик кафедраси профессор-ўқитувчилари иштирок этди. Хорижлик мутахассис, тарих фанлари номзоди, доцент Олег Тарасов маъруза қилиб, иштирокчиларни қизиқтирган саволларга жавоб берди.

ИИВ академияси Ахборот хизмати