Магистратура тингловчилари Муқимий номидаги Ўзбекистон давлат мусиқали театрида “Замон Авлонийси” спектаклини томоша қилдилар.

“Қоракўл математика мактаби”га асос солган моҳир педагог, Ўзбекистон халқ ўқитувчиси Тўхтамурод Жумаевнинг ибратли умр йўли ҳақида ҳикоя қилувчи спектакль барчада жуда илиқ таассурот қолдирди.

* * *

Маънавият ва маърифат масканида “Ватанга ва халққа хизмат қилиш – муқаддас бурч!” мавзуида давра суҳбати бўлиб ўтди.

Тадбирда ихтисослик кафедралари профессор-ўқитувчилари касб маданияти, маънавий-ахлоқий фазилатлар, ички ишлар органи ходими шаънига салбий таъсир кўрсатувчи иллатлар ҳақида тушунча бериб, курсантларни бурчга содиқ ва фидойи бўлишга ундадилар.

* * *

ИИВ Хоразм академик лицейида ватанпаварликни тарғиб қилувчи тадбир ўтказилди.

Дастлаб лицей директори Л. Якубов сўз олиб, маънавий-маърифий тадбирнинг мақсадида тўхталди. Шундан сўнг ИИВ академияси доценти Н. Юллиев “Буюк аждодларимиз ҳаёти ва бой меросининг ёшлар таълим-тарбиясидаги ўрни” мавзуида маъруза қилди.

Тадбир давомида ўқувчилар юртимиздан етишиб чиққан улуғ алломалар, уларнинг бебаҳо асарлари, аждодларимиз илмий-маънавий меросининг бугунги кундаги аҳамияти ҳақида кўплаб маълумотларга эга бўлишди.

* * *

Ўқув даргоҳида ёшларнинг коррупцияга қарши иммунитетини мустаҳкамлашга қаратилган викторина бўлиб ўтди.

Криминология кафедраси, Тарбиявий ишларни ташкил этиш ва мукофотлаш бўлими ҳамда саф қисми ҳамкорлигида ўтказилган викторинада 2-ўқув курсидан 8 та жамоа ўзаро беллашди. Икки шарт якуни бўйича 2-отряд жамоаси биринчи ўринни, 5-отряд жамоаси иккинчи ўринни, 4-отряд жамоаси учинчи ўринни эгаллади.

ИИВ академияси Ахборот хизмати