ИИВ Академиясида “Вояга етмаган ва ёшлар ўртасида психологик жараёнларнинг моҳияти” мавзусида давра суҳбати бўлиб ўтди.

Ҳуқуқбузарликлар профилактикаси фаолияти кафедраси профессор-ўқитувчилари, мазкур ихтисослик йўналишида таълим олаётган курсантлар иштирок этган тадбирда психолог олима Шоирахон Исоқова ўз фикр-мулоҳазалари билан ўртоқлашди.

 Таниқли мутахассис фарзанд камолотида психологик тарбиянинг ўрни, вояга етмаганлар ва ёшлар билан ишлашнинг мураккаб хусусиятлари, бу даврга хос психологик жараёнлар ҳақида тўхталиб, бўлажак профилактика инспекторларига муҳим тавсиялар берди.

* * *

Ички ишлар органларида “Интизом ойлиги” доирасида Академия кундузги таълим 2-ўқув курси курсантлари ўртасида кўрик-танлов ўтказилди.   

Тадбир курсант ёшларнинг билим салоҳияти ва танлаган касбига садоқатини юксалтириш, иқтидорли ёшларни қўллаб-қувватлаш мақсадида ташкил қилинди. Унда ҳар бир отряддан биттадан жамоа иштирок этди.

Кўрик-танловнинг биринчи шарти савол-жавоб тарзида ўтган бўлса, иккинчи шартда ҳар бир жамоа томонидан эркин мавзудаги саҳна кўриниши намойиш этилди. Сўнгги шартда эса Ички ишлар органлари ходимларининг касбий маданият ва хизмат интизоми кодекси бўйича билимлар синовдан ўтказилди. 

Якуний натижаларга кўра, 5-отряднинг “Легенда” жамоаси кўрик-танлов ғолиблигини қўлга киритди.

ИИВ Академияси Ахборот хизмати