ИИВ Академияси ўқитувчиларининг Корея миллий полицияси университетига сафари қизиқарли машғулотларга бой тарзда ўтмоқда.

Университетнинг Халқаро терроризмга қарши курашиш марказида ташкил этилган галдаги машғулотда терроризмга қарши курашишда қўлланилаётган замонавий ёндашувлар, террорчилик ҳаракатларининг олдини олиш ва жиноятчиларни зарарлантириш усуллари, махсус амалиёт пайтида дрон қурилмалардан фойдаланиш бўйича илғор тажрибалар ўрганилди. Вакилларимиз марказ фаолияти, илмий-тадқиқот ишлари, шунингдек халқаро ҳамкорлик алоқаларининг муҳим жиҳатлари ҳақида маълумотларга эга бўлишди.

Шу куннинг ўзида университетга номзодларни қабул қилиш, имтиҳон ва синов жараёнлари тартиби, кореялик ва хорижлик талабалар учун яратилган имтиёзлар тақдимоти ҳам ўтказилди.

ИИВ Академияси Ахборот хизмати