“Китобхонлик ҳафталиги” доирасида ИИВ Академиясининг кундузги таълим курсантлари ўртасида “Зукко китобхон” кўрик-танлови ўтказилди.

Ёшларнинг китоб ўқишга қизиқиши ва маънавий дунёқарашини шакллантириш, бўш вақтини мазмунли ўтказиш мақсадида ташкил этилган танловнинг саралаш босқичида курсантлар фаол иштирок этди.

Ҳакамлар ҳайъати аъзолари ички ишлар органи ходимлари учун тавсия этилган 39 турдаги адабиёт мутолааси бўйича курсантлар билимини баҳолаб бордилар. Биринчи босқич натижаларига кўра, энг юқори балл тўплаган 50 нафар курсант саралаб олинди.

Танлов якунида энг фаол китобхонлардан 2-босқич курсанти Ж.Холбоев 1-ўринни, 1-босқич курсанти А.Маликов 2-ўринни ҳамда 1-босқич курсанти А.Пардаев 3-ўринни эгаллади. Сўз олганлар давлатимиз томонидан ёшларнинг китобхонлик маданиятини юксалтиришга қаратилаётган юксак эътибор ҳақида тўхталиб, китоб ўқишнинг фойдали жиҳатларини тарғиб қилдилар.

ИИВ Академияси Ахборот хизмати