Ички ишлар вазирлиги академияси ўқитувчилари Корея миллий полиция университетида малака оширмоқда.

Хориж сафарининг илк кунида Корея миллий полиция университети президенти жаноб Ли Чёл Гу мамлакатимиз вакиллари билан учрашди. Самимий мулоқотда таълим соҳасидаги ҳамкорлик алоқаларининг изчил ривожланиб бораётгани мамнуният билан эътироф этилди. Шу куни ўзбекистонлик меҳмонлар университет ҳаёти, таълим, илмий тадқиқот ва инновация соҳаларида эришилаётган ютуқлар, талабалар учун яратилган шарт-шароитлар билан яқиндан танишдилар.

Университет қошида ўзбек тилига қизиқувчи талабалар учун тўрагак ташкил этилган бўлиб, корейс ёшлари бу ерда она тилимизни катта қизиқиш ўрганиб келишмоқда. Тўгарак фаоллари билан бўлиб ўтган мулоқот тарихан бир-бирига яқин икки мамлакат ёшлари учун айни муддао бўлди. Шу ернинг ўзида бой тарихимиз, дунё цивилизациясига улкан ҳисса қўшган буюк аждодларимиз, тараққиёт йўлидан дадил илдамлаётган Янги Ўзбекистонда амалга оширилаётган кенг кўламли ислоҳотлар тақдимот қилинди.   

Айтиш жоизки, икки томонлама келишувга биноан ташкил этилган ўқув курси давомида Академия вакиллари киберхавфсизлик, IT-технологиялар ва эксперт-криминалистика йўналишларида кадрлар тайёрлашнинг илғор жиҳатлари ўрганадилар.

ИИВ Академияси Ахборот хизмати