ИИВ Академиясининг Сиртқи таълим факультети тингловчилари билан битируволди ўтказилган давра суҳбати коррупция ва унинг олдини олиш масаласига бағишланди.

 Факультет раҳбарияти, профессор-ўқитувчилар ва тингловчилар иштирок этган тадбирда сўз олганлар мамлакатимизда изчил ислоҳотлар кечаётган ҳозирги даврда коррупцияга қарши курашиш борасида амалга оширилаётган чора-тадбирлар, ички ишлар органлари ходимлари олдидаги долзарб вазифаларга тўхталиб ўтишди. Коррупция давлат ривожига таҳдид солувчи, инсон ҳуқуқларини поймол этувчи иллат бўлиб, унга қарши курашишнинг ҳуқуқий механизмларини мунтазам равишда такомиллаштириб бориш,  жамиятда коррупцияга нисбатан муросасизлик иммунитетини шакллантириш муҳим вазифалардан бири эканлиги таъкидланди.

Ҳозирги пайтда ички ишлар органлари тизимида коррупциявий ҳолатларнинг олдини олиш, ходимлар ўртасида хизмат интизоми ва қонунийликни мустаҳкамлаш, уларнинг касбий ва маънавий-аҳлоқий фазилатларини шакллантириш, ижтимоий ҳимоясини кучайтиришга қаратилган кенг қамровли тадбирлар амалга оширилмоқда. Коррупция балосига бутунлай барҳам бериш учун, аввало, уни келтириб чиқарувчи сабабларнинг олдини олиш, ҳар бир ходим онгида коррупцияга қарши нафрат туйғусини янада кучайтириш лозимлиги айтиб ўтилди.

Тадбир сўнггида фаол тингловчиларга юридик адабиёт ва қўлланмалар берилди.

ИИВ Академияси Ахборот хизмати