Жорий йилнинг 30 ноябрь куни Ички ишлар вазирлиги академиясида “Ислоҳотлар даврида пенитенциар тизимни инновaцион ривожлантириш масалалари” мавзусида республика илмий-амалий конференцияси бўлиб ўтади.

Конференция материалларини алоҳида тўплам шаклида нашр этиш режалаштирилган. Тўпламда ўз мақола ва тезислари билан иштирок этиш истагида бўлган профессор-ўқитувчилар, илмий тадқиқотчилар ва амалиёт ходимлари қуйидаги йўналишлардаги материалларини юборишлари мумкин:

- Ўзбекистон Республикаси жазони ижро этиш муассасаларининг замонавий ривожланишида хорижий давлатлар пенитенциар тизимларининг инновaцион технологияларини жорий қилиш;

- маҳкумларнинг ҳулқ-атвори ва шахси ҳақидаги маълумотлар электрон базасини юритиш;

- пенитенциар тизимни рақамлаштириш амалиёти;

- пенитенциар тизим фаолиятининг инновaцион ривожланишида интернет алоқа воситаларидан оқилона фойдаланиш;

- пенитенциар тизимда профилактик фаолиятнинг инновaцион аҳамияти.

Мақола ва тезисларга қўйилган талаблар:

- матн ўзбек ёки рус тилида, илмий, техник ва стилистик таҳрирдан ўтказилган бўлиши;

- А-4 ўлчовидаги қоғозда, юқори ва пастдан 2 см, чап ва ўнгдан 2 см жой қолдирилган ҳолда 1 нусхада бўлиши;

- сарлавҳадан 1,5 интервалдан сўнг муаллифнинг фамилияси, исмс ва отасининг исми тўлиқ ёзилиши, унинг пастки қисмида 1 интервалдан кейин лавозими, илмий унвони ва даражаси (агарда мавжуд бўлса) қайд этилиши;

- матннинг электрон нусхаси MS Word дастурида “Times New Roman” шрифти, 14 кегел катталик ва 1,5 интервалда ҳамда 5-7 (беш-етти) бетгача бўлиши мақсадга мувофиқ.

Материаллар 2022 йилнинг 20 ноябрь кунига қадар қабул қилинади. Тўпламда чоп этилмаган ишлар муаллифга қайтарилмайди ҳамда қайта кўриб чиқилмайди.

Ташкилий қўмита:

ИИВ Академиясининг Жазони ижро этиш фаолияти кафедраси.

Мурожаат учун телефон:

+998 (99) 738-58-57

Электрон почта манзили:

quvonch.qodirov @bk.ru