27–29 март кунлари ИИВ академиясида коррупцияга қарши ўқув-семинар ташкил қилинди.

Соҳа ходимларининг коррупцияга қарши иммунитетини мустаҳкамлаш, ҳуқуқий билим ва кўникмаларини ошириш ўқув-семинардан кўзланган асосий мақсад ҳисобланади.

Уч кун давомида Коррупцияга қарши курашиш агентлиги ва академия вакиллари томонидан “Коррупциявий жиноятлар ва уларнинг омиллари”, “Манфаатлар тўқнашувини ўз вақтида аниқлаш ва олдини олиш чоралари”, “Коррупцияга қарши курашишнинг ҳуқуқий ва институционал асослари”, “Ички ишлар органлари ходимларида коррупцияга қарши хулқ-атворни шакллантириш йўллари”, “Коррупцияга қарши ички назорат тузилмалари фаолияти” ҳамда бошқа мавзуларда машғулотлар ўтказилди.

Ўқув-семинар якунида тингловчилардан синов қабул қилиниб, уларга сертификатлар топширилди.

ИИВ академияси Ахборот хизмати