ЁШЛАРДА СОҒЛОМ МАФКУРА ВА ВАТАНПАРВАРЛИК ТУЙҒУСИНИ ШАКЛЛАНТИРИШ терроризмга қарши профилактиканинг муҳим омили
Бугунги кунда терроризм ва экстремизм умумбашарий муаммога айланди. Ушбу глобал таҳдидларга қарши курашиш борасида дунё миқёсида кенг кўламли тадбирлар амалга оширилаётганига қарамай, мазкур муаммога ҳали тўлиқ ечим топилгани йўқ. Давлатимиз раҳбари бу ҳақда тўхталиб, «дунёда терроризм таҳдидлари, айниқса, сўнгги йилларда кучайиб бораётгани уларга қарши, асосан, куч ишлатиш йўли билан курашиш усули ўзини оқламаётганидан далолат беради. Бу борада кўп ҳолларда таҳдидларни келтириб чиқараётган асосий сабаблар билан эмас, балки уларнинг оқибатларига қарши курашиш билангина чекланиб қолинмоқда», дея таъкидлаган эди.
