Ўз Ру En
×

Илмий кенгаш

Таълим муассасасида Илмий кенгаш фаолияти 1976 йилдан бошланган. Ўша йили Илмий кенгаш тўғрисидаги илк Низом тасдиқланган эди. Ўтган йиллар да­вомида Илмий кенгаш котиби вазифасини Д.Салихов, В.Григорьев, С.Каримов, Б.Зоки­ров, И.Исмаилов, М.Қодиров, Б.Саидов, Н.А­зизов бажарди.

Илмий кенгаш Академиянинг дои­мий фаолият юритувчи олий коллегиал органи ҳисобланади.

Илмий кенгаш қуйидаги функцияларни амалга оширади:

замонавий педагогик технология­лардан фойдаланган ҳолда ички ишлар органлари учун малакали кадрлар тайёр­лаш бўйича ўқув, методик, илмий ва бошқа фаолиятни самарали ташкил этиш;

тингловчи ва курсантларда ватанпар­варлик ҳисси, маънавий-маърифий ва юк­сак маданий хислатларни шакллантириш.

Илмий кенгашда қуйидаги масалалар муҳокама қилинади:

Кадрлар тайёрлаш миллий дастури­га мувофиқ, давлат таълим стандартлари, фан дастурлари ҳамда уларнинг қатъий бажарилишини;

амалиёт органлари таклифлари­ни ҳисобга олган ҳолда мутахассислик йўналишлари таълим дастурларига ўз­гартиш ва қўшимчалар киритиш;

педагог кадрларни қайта тайёрлаш ва малакасини ошириш;

кафедраларнинг турдош олий таъ­лим муассасалари билан ҳамкорлигини янада такомиллаштириш юзасидан ил­мий-методик кенгашлар таклифларини кўриб чиқиш ва бу йўналишда амалга оширилган ишлар ҳақидаги ҳисоботла­рини эшитиш;

маънавий-маърифий, ўқув, услу­бий, тарбия ва илмий-тадқиқот ишла­рига оид тегишли норматив-ҳуқуқий ҳужжатларнинг лойиҳаларини кўриб чиқиш ва ушбу йўналишлар бўйича ҳи­соботларни эшитиш;

кафедра (цикл)лар, бўлимлар ва хиз­матларнинг фаолиятини кўриб чиқиш;

ички ишлар органлари ҳамда бошқа соҳаларнинг фаолиятини такомил­лаштиришга доир мавзулар бўйича ил­мий-техникавий дастурлар доирасида фундаментал, амалий ва инновацион ил­мий тадқиқотлар лойиҳаларининг бажа­рилишини кўриб чиқиш ва амалга оши­рилишини назорат қилиш;

амалдаги қонунларни такомил­лаштириш юзасидан ишлаб чиқилган қонун лойиҳаларини муҳокама қилиш.

Илмий кенгаш таркиби Академия бошлиғининг буйруғи билан тасдиқланади. Академия бошлиғи ва ўринбосарлари, фа­культет, кафедра, бўлим, хизмат бошлиқла­ри лавозимига кўра Кенгаш таркибига ки­ради. Шунингдек, илмий ва илмий-педаго­гик фаолият олиб борувчи, шу жумладан давлат илмий-техник дастурлари доираси­да илмий-техник лойиҳаларни амалга оши­ришда қатнашувчи фан докторлари, бошқа жамоат ташкилотлари вакиллари ҳам Кен­гаш аъзолигига қабул қилиниши мумкин.

Белгиланган матнни тинглаш учун қуйидаги тугмани босинг Powered by GSpeech